Oba hojalyk önümlerini saklamak boýunça infrastruktura ösdürmek maksatnamasynyň çäklerinde, umumy sygymlylygy 3000 tonna barabar bolan häzirki zaman sowadylýan ammaryň gurluşygy üstünlikli tamamlandy. Bu desganyň baş maksady dürli görnüşli önümleriň ýokary hilli we uzak möhletleýin ýagdaýda täze görnüşde saklanylmagyny üpjün etmekdir.
Ammar häzirki zaman sowadyş we howa- durnuklylyk (klimat-kontrol) ulgamlary bilen enjamlaşdyrylyp, saklanylýan önümiň görnüşine görä iň amatly temperatura we çyglylyk derejesini saklaýar. Bu bolsa önümleriň zaýalanmagynyň öňüni alýar, olaryň iýmitlik we tagamlyk häsiýetlerini gorap saklaýar hem-de saklanyş möhletini ep-esli uzaldýar.
Ammaryň meýdany we tehniki mümkinçilikleri uly göwrümli oba hojalyk önümlerini kabul etmäge, gaýtadan işlemäge we saklamaga mümkinçilik berýär. Bu bolsa içerki bazarlary hem-de eksport ugurlarynyň üpjünçiligini we logistikasyny ýeňilleşdirýär. Ammardaky enjamlar ýükläp düşürme işleriniň çalt we howpsuz ýerine ýetirilmegini üpjün edýär.
Desganyň gurluşygynda howpsuzlyk we arassaçylyk kadalaryna aýratyn üns berildi. Ammar wideo gözegçilik ulgamy, giriş-çykyşy dolandyrmak, şeýle hem ýangyna garşy awtomatiki enjamlar bilen üpjün edildi. Ulanylýan ähli enjamlar we serişdeler halkara hil ülňülerine doly laýyk gelýär.
Önümleri saklamak ýörelgeleri, olary görnüşleri we saklanyş şertleri boýunça tapgyr-tapgyr bölmäge mümkinçilik berýär. Bu bolsa hasaba alyş işlerini ýeňilleşdirýär we ammaryň dolandyrylyşyny netijeli edýär. Ammaryň içindäki logistiki geçelgeler, harytlaryň amatly hereket etmegini we işlemegiň tizligini ýokarlandyrmak üçin ýörite optimizirlenen.
Umumy sygymlylygy 3000 tonna bolan sowadylýan ammaryň açylmagy, sebitde oba hojalyk önümleriniň saklanyş mümkinçiliklerini giňeldip, agrosenagat toplumynyň ösüşine, ýerli önüm öndürijileriň goldanylmagyna we azyk howpsuzlygynyň üpjün edilmegine möhüm goşant goşýar. Şeýle desgalar sarp edijileriň ýokary hilli önümlere bolan isleglerini kanagatlandyrmakda aýratyn ähmiýete eýedir.
